Սալման Ռուշդի «Ամոթ» (վեպ)
«Օտար գիր» մատենաշար
 
    «Ամոթ» վեպի հիմքում Պակիստանի նորագույն պատմության իրական իրադարձություններն են, բայց հեղինակն ինքը այն անվանում է նոր տիպի հեքիաթի պես մի բան, որ ներկայացնում է իրականության դիցաբանական և պատմական ընկալումը:
    Սա խոստովանանք չէ, մեղադրական պամֆլետ չէ, ընտրյալների համար ինտելեկտուալ կոկտեյլ չէ: Այստեղ կյանքն է, ինչպես որ կա՝ կատարվածի ամբողջ խելագարությամբ և անիրականությամբ. անպիտան ծնողներ և «փոքր մարդիկ», մեծ հավակնություններ և կոտրված սրտեր, կոռումպացված կամ գաղափարական քաղաքական գործիչներ, արյուն, պատերազմ, էժան զանգվածային մշակույթ և ամեն տիպի գունավորման պաշտամունքներ: Պատմությունը երեք ընտանիքի մասին է՝ խենթ ու խիզախ գեներալի, բուռն անցյալ ապրած հավակնոտ քաղաքական գործչի և հիպնոսացնող բժշկի: Այս երեքի ճակատագրերը սերտորեն միահյուսված են, և յուրաքանչյուրում կա յուրահատուկ զրնգուն մի թել՝ նրանց կողքին կանգնած կնոջ թելը:
     Գրողի երևակայությունն աննկարագրելի և անկաշկանդ է, դրանում փոթորկվում են դարաշրջաններն ու իրադարձությունները, ճակատագրերը, մարդիկ, կենդանիները, աստվածներն ու հրեշները: Այս գիրքը էպիկական ֆանտասմագորիա է, որում մեկտեղվել են հեքիաթը, սև կատակերգությունն ու ողբերգությունը: 
 
Էջեր՝ 460
Կազմ՝ կոշտ
Լեզու՝ արևելահայերեն
Անգլերենից թարգմանեց Լուսինե Կարապետյանը
Խմբագիրներ` Արքմենիկ Նիկողոսյան, Շողեր Խաչատրյան
Հրատարակչությունը` Անտարես, 2020